KONKURS

ZGJEDHJE, RIZGJEDHJE-AVANCIM TË PUNONJËSVE SHKENCORË DHE TË HULUMTUESVE

1. DEGA LETËRSISË

–  Një bashkëpunëtor i lartë shkencor (rizgjedhje-avancim)

1. DEGA GJUHËSISË

–  Një bashkëpunëtor i lartë shkencor (rizgjedhje-avancim)

1. DEGA E HISTORISË

– Një Hulumtues i pavarure shkencor (rizgjedhje-avancim)

Përshkrimi i punëve:

1. Bashkëpunëtori i lartë shkencor: merr pjesë në përgatitjen e programeve të punës kërkimore shkencore; studion problemet që kërkojnë përgatitje të mirë teorike dhe metodologjike nga disiplinat e caktuara; merr pjesë në përgatitjen metodologjike për punë të ndryshme kërkimore shkencore, për realizimin e projekteve të caktuara kërkimore; studion problemet e ndryshme nga lëmi shkencor i tij; bën hulumtime në mënyrë të pavarur lidhur me temën; përpunon pjesët e vështira dhe të rëndësishme të programit; punon në mënyrë të pavarur rreth temave që shkruhen  dhe rreth përgatitjes së blejve shkencorë;  kryen recensionin e punimeve të ndryshme të bashkëpunëtorëve të tjerë dhe ndihmon bashkëpunëtorët më të rinj në aftësimin e tyre për punë shkencore.

KUSHTET: Përveç kushteve të përgjithshme të përcaktuara me Ligj, kandidatët duhet t’i plotësojnë edhe kushtet e veçanta të përcaktuara me Ligjin për Veprimtari Kërkimore-Shkencore, nr.04/L-135, Statutin e Institutit, si dhe me Rregulloren për Procedurat e Zgjedhjes dhe Rizgjedhjes së Punonjësve Shkencorë dhe Hulumtuesve në Institutin Albanologjik, për vlerësimin e punës kërkimore shkencore:

• të ketë gradën shkencore doktor i shkencave i fushës përkatëse,
• të ketë titullin kërkimor shkencor paraprak bashkëpunëtor shkencor përkatësisht profesor asistent;
• të ketë të botuara së paku dy vepra shkencore autoriale nga institucionet shkencore, një prej të cilave pas zgjedhjes së fundit;
• të ketë së paku 3 punime shkencore të publikuara në revista shkencore relevante kombëtare dhe ndërkombëtare nga fusha përkatëse, dy (2) prej tyre pas zgjedhjes së fundit;
• të njohë një gjuhë të huaj.

PËRSHKRIMI I PUNËVE:

2. Hulumtuesi i pavarur shkencor -merret me punë shkencore e profesionale të Degës në të cilën punon, klasifikon, sistematizon materialet shkencore, punon rreth botimeve shkencore, duke nxjerrë materiale nga fondi i Institutit, nga publikimet dhe nga arkivat, bën hulumtime në terren në vend dhe në botën e jashtme në kuadër të projektit shkencor të degës, shkruan punime shkencore dhe profesionale nga fusha përkatëse.

KUSHTET: Përveç kushteve të përgjithshme të përcaktuara me Ligj, kandidatët duhet t’i plotësojnë edhe kushtet e veçanta të përcaktuara me Ligjin për Veprimtari Kërkimore-Shkencore, nr.04/L-135, Statutin e Institutit, si dhe me Rregulloren për Procedurat e Zgjedhjes dhe Rizgjedhjes së Punonjësve Shkencorë dhe Hulumtuesve në Institutin Albanologjik, për vlerësimin e punës kërkimore shkencore:

         – të ketë shkallën e magjistrit të shkencave (para Bolonjës) ose gradën master i shkencave (sipas Bolonjës), në drejtimin përkatës;

      – të ketë të regjistruar studimet e doktoratës në fushën përkatëse;

      – të njohë një gjuhët të huaj në nivel të nevojshëm për komunikim;

      – të ketë notën mesatare në studimet bachelor dhe master, jo më pak se 8 në secilën prej këtyre niveleve të studimeve.

Dokumentacioni i nevojshëm për konkurrim:

1. Kandidatët që konkurrojnë për zgjedhje, rizgjedhje ose avancim në titullin bashkëpunëtor i lartë shkencor, duhet të dorëzojnë:

• Biografinë edhe bibliografinë (me kopjet e punimeve të botuara), sidomos të atyre pas zgjedhjes së fundit;
• Diplomën origjinale ose të noterizuar të gradës shkencore doktor i shkencave nga fusha përkatëse;
• Nëse kandidati ka mbrojtur doktoratën jashtë vendit, diploma të jetë e nostrifikuar nga MASHT-i;
• Dëshminë nga gjykata kompetente që nuk është nën hetime;
• Certifikatën mbi njohjen e gjuhës së huaj, të lëshuar nga institucioni i akredituar për gjuhë të huaja, (për kandidatët që konkurrojnë për herë të parë).

2. Kandidatët që konkurrojnë për zgjedhje, rizgjedhje-avancim në titullin hulumtues i pavarur shkencor, duhet të dorëzojnë:

–  Biografinë edhe bibliografinë (me kopjet e punimeve të botuara), sidomos pas zgjedhjes së fundit;

–  Diplomën origjinale ose të noterizuar të gradës shkencore magjistër/master në fushën përkatëse;

–  Nëse kandidati ka përfunduar studimet e magjistraturës/masterit jashtë vendit, diploma të jetë e nostrifikuar nga MASHTI;

–  Vërtetimin origjinal për regjistrimin e studimeve të doktoratës në fushën përkatës;

–  Dëshminë nga Gjykata kompetente që nuk është nën hetime;

–  Certifikatë mbi njohjen e gjuhës së huaj, të lëshuar nga nj institucion i akredituar për gjuhë të huaja, për kandidatët që konkurrojnë për herë të parë.

Konkursi është i hapur 15 ditë nga dita e publikimit të tij në faqen zyrtare të Institutit në internet, përkatësisht deri më 14.02.2025.

Kërkesat me dokumentacionin përkatës dorëzohen drejtpërdrejt në Institut ose nëpërmjet postës në adresën: Instituti Albanologjik i Prishtinës. Rr. “Eqrem Çabej”, nr: 93, Prishtinë. Kërkesat e kandidatëve që nuk i plotësojnë kushtet sipas konkursit, nuk do të merren në shqyrtim.

Konkurs, 31 janar 2025