Adil Olluri lindi më 13. I. 1984 në Krojmir të Lipjanit.
Ai shkruan prozë artistike dhe kritikë letrare.
Ka marrë pjesë në disa seminare e sesione shkencore dhe ka publikuar shkrime të ndryshme për kulturën dhe letërsinë në revista shkencore dhe letrare në Kosovë dhe Shqipëri.
Adil Olluri është bashkëpunëtor shkencor në Institutin Albanologjik-Prishtinë- Dega e Letërsisë dhe nga 01.06.2024 është zgjedhur sekretar shkencor i IAP.
Është autor i dy romaneve:
1. “Bartësi i shpirtrave të përzënë”, i botuar për herë të parë nga shtëpia botuese “Parnas”, Prishtinë, 2015, e ribotuar në Prishtinë nga shtëpia botuese “Artini”, 2019, si dhe i ribotuar sërish nga shtëpia botuese “Onufri”, Tiranë, 2020.
2. “Vdekja e Omerit”, i botuar nga shtëpia botuese “Onufri”, Tiranë, 2022.
Libra me tregime:
“Shumë rrugë dhe një rënie” e botuar në vitin 2011 nga shtëpia botuese “Parnas”, Prishtinë, e ribotuar në vitin 2017 nga shtëpia botuese “Artini”, Prishtinë
“Kthimi i profetit”, e botuar nga shtëpia botuese “Armagedoni”, Prishtinë, 2019,
“Kthimi i babait”, përmbledhje me tregime të zgjedhura, e botuar nga shtëpia botuese “Onufri”, Tiranë, 2023.
Libra studimorë:
“Trilogjia postmoderne”, monografi, Instituti Albanologjik i Prishtinës, Prishtinë, 2011,
“Romani postmodern shqiptar” e botuar nga “AIKD”, Prishtinë, 2011, e ribotuar nga Universiteti Evropian i Tiranës, UETpress, Tiranë, 2015,
“Fytyra e tiranisë: rrëfimi për diktaturën në romane bashkëkohore shqiptare”, monografi, Instituti Albanologjik i Prishtinës, Prishtinë, 2017,
“Shkrimtari polimorf”, monografi, Instituti Albanologjik i Prishtinës, Prishtinë, 2019,
“Pikëpjekje letrare”, përmbledhje studimore, Instituti Albanologjik i Prishtinës, Prishtinë, 2023.
“Në gjurmë të një shkrimtari të harruar: interpretim i romaneve të Hajdar Salihut”, monografi, Instituti Albanologjik, 2025 (në proces botimi).
Libri i tij me tregime “Shumë rrugë dhe një rënie” është përkthyer në gjuhën italiane nga ana e shtëpisë botuese “Edizione Ensemble” në vitin 2016 dhe është promovuar në Panairin e Librit në Romë.
Ka qenë mysafir i Goethe Institute në Panairin e Librit në Frankfurt, 2016, si dhe ka qenë pjesëmarrës në një sërë festivalesh ndërkombëtare të prozës artistike.
Adil Olluri është fitues i çmimit ndërkombëtar për letërsi “Premio Ostana Internazionale 2018”, që jepet në qytetin e Ostanës, Itali. Ky shpërblim është përshëndetur nga presidenti i Italisë, Sergio Matarella.
Po ashtu, është fitues i shpërblimit letrar të Asociacionit Ndërkombëtar të Esperantologëve, me seli në Bialystok të Polonisë, 2017.
Tregimi i tij “Kthimi i babait” është përkthyer në gjuhën angleze, çeke, gjermane, italiane, hungareze, maqedonase, sllovene, serbe, bullgare, greke, esperanto dhe rome, duke u shndërruar në një nga tregimet më të përkthyera të letërsisë së tashme shqipe.
Adil Olluri është edhe fitues i Çmimit Kombëtar për veprën më të mirë studimore për vitin 2011, i ndarë nga MKRS për veprën “Romani postmodern shqiptar”.
Ai ka botuar një punim studimor në revistën e rëndësishme sllovene “Apokalipsa”. Po ashtu, ka botuar punime shkencore edhe në revista të ndryshme akademike, vendore e ndërkombëtare, duke përfshirë edhe revistën “Library trends”, që botohet nga universiteti i rëndësishëm amerikan “John Hopkins University”, që është një nga universitetet më të rëndësishme botërore.
Ka marrë pjesë në disa seminare e sesione shkencore dhe ka publikuar shkrime të ndryshme për kulturën dhe letërsinë në revista shkencore dhe letrare në Kosovë dhe Shqipëri.
Adil Olluri ka qenë anëtar i Këshillit Drejtues të Teatrit Kombëtar të Kosovës.
Ka qenë koordinator i përgjithshëm i disa projekteve hulumtuese të realizuara nga Qendra për Kulturë dhe Edukim “Sheshi”. Projektet e koordinuara janë: