Prof. asoc. dr. Sejdi M. GASHI
Bashkëpunëtor i lartë shkencor
Kontakt:
E-mail: sgashi.iap@gmail.com
Cel: +383 44 462 890
Adresa: Rr. “Eqrem Çabej” nr.93
Prishtinë, 10000
Republika e Kosovës
U lind më 30.01. 1985 në Prigodë të Istogut. Shkollimin fillor e kreu në Llukavc të Begut, ndërsa atë të mesëm në Istog. Studimet universitare, themelore dhe master, i përfundoi në Fakultetin e Filologjisë të Universitetit të Prishtinës. Krahas studimeve për gjuhësi, në vitin 2008 u diplomua në Shkenca Politike dhe Administratë Publike në Fakultetin Filozofik të Universitetit të Prishtinës.
Në vitin 2018 fitoi gradën e doktorit të shkencave në Universitetin e Evropës Juglindore në Shkup, në Fakultetin e Gjuhëve, Kulturave dhe Komunikimit.
Gjatë viteve 2004-2010 punoi si gazetar në gazetat e përditshme “Kosova Sot” dhe “Koha Ditore”.
Gjatë viteve 2006-2008 ishte anëtar i grupit “Youth Voices Kosova” në zyrën e Bankës Botërore në Prishtinë.
-Gjatë viteve 2009-2020 punoi si mësimdhënës i gjuhës dhe i letërsisë shqipe në shkollën “Zenit”, në gjimnazin “Sami Frashëri” në Prishtinë si dhe në gjimnazin “The Britisch School of Kosova”.
Gjatë viteve 2018-2024 punoi si mësimdhënës dhe ligjërues në këto institucione të arsimit të lartë:
- Kolegji “Heimerer”, Programi i Logopedisë (2018-2022);
- Fakulteti i Edukimit i Universitetit të Prishtinës “Hasan Prishtina”, Programi fillor (2019-2020);
- Fakulteti i Filologjisë i Universitetit “Fehmi Agani” në Gjakovë (2021-2022);
- Kolegji UBT, Fakulteti Juridik (2022-vijon).
- Shtëpia Botuese “Dukagjini- Konsulent profesional (2022-vijon)
Gjatë viteve 2021-2023 u angazhua në MAShTI si recensent i disa teksteve shkollore të gjuhës shqipe: Gjuha shqipe 8 (2021), Gjuha shqipe 9 (2022) dhe Gjuha shqipe 5 (2023).
Në vitin 2022 u zgjodh anëtar dhe hartues në grupin e punës për hartimin e Fjalorit të Madh të Gjuhës Shqipe.
Gjatë viteve 2020-2024 ishte anëtar i redaksisë së revistës “Gjuha shqipe” të Institutit Albanologjik të Prishtinës.
Në vitin 2024 u zgjodh redaktor i revistës “Gjurmime albanologjike - Seria e shkencave filologjike”, botim i Institutit Albanologjik të Prishtinës.
Me kumtesa dhe kontribute shkencore ka marrë pjesë në shumë konferenca, simpoziume e kongrese kombëtare dhe ndërkombëtare të mbajtura në Kosovë, Shqipëri, Maqedoni të Veriut, Bullgari, Hungari, Turqi, Austri, Gjermani, Zvicër, Francë, Angli, SHBA, Itali.
Veprimtaria e tij shkencore përfshin mbi 120 punime shkencore, trajtesa, recensione dhe vështrime nga fusha e gjuhësisë dhe e albanologjisë në përgjithësi.
Botimet:
Në vitin 2011 botoi vëllimin poetik Përjetësisht.
Gjatë viteve 2012-2024 botoi këta libra shkencorë:
- Trajtime mbi gjuhën shqipe, Prishtinë, 2012;
- Areali gjuhësor i Istogut me rrethinë, Instituti Albanologjik i Prishtinës, 2018;
- Koha e ardhme e foljes në gjuhën shqipe (Lidhjet mes kohës, aspektit e modalitetit), Instituti Albanologjik i Prishtinës, 2019;
- Fjalor i mikrotoponimisë së Istogut, Instituti Albanologjik i Prishtinës, 2020;
- Shenjat e pikësimit në fletoret e punës së gjuhës shqipe (klasat 1-5), “Dukagjini”, Prishtinë, 2022;
- Shqyrtime gjuhësore, Instituti Albanologjik i Prishtinës, 2023;
- Çështje sociolinguistike të terminologjisë në mediet e Kosovës dhe të Shqipërisë, Instituti Albanologjik i Prishtinës, 2024.
Që nga prilli i vitit 2012 është punonjës shkencor në Degën e Gjuhësisë të Institutit Albanologjik të Prishtinë. Aktualisht ka gradën e bashkëpunëtorit të lartë shkencor në Degën e Gjuhësisë.
Prishtinë, më 22 shtator 2026