Pas tri ditësh pune intensive aktiviteti shkencor shumëdisiplinar, i konceptuar si Java e Albanologjisë 8/2017, u përmbyll. Në kuadër të këtij aktiviteti shkencor, u përfshiheshin të gjitha disiplinat kryesore albanologjike me mundësi të njëjta të prezantimit të rezultateve shkencore nga secila fushë veç e veç.
Pjesëmarrësit, të cilët ishin nga institucione të ndryshme albanologjike, me kumtesat dhe me diskutimet e tyre e pasuruan gamën e trajtimeve lidhur me çështje të rëndësishme albanologjike. U lexuan mbi njëqind kumtesa dhe pati dhjetëra diskutime lidhur me to. Përballja e koncepteve të ndryshme ishte në funksion të gjetjes të së vërtetës shkencore mbi çështjet e trajtuara.
Sesionet u mbajtën sipas programit të përcaktuar nga Këshilli Organizues.
Në kuadër të sesionit të Gjuhësisë u trajtua tema: GJUHA E SHTYPIT.
Sesioni i dytë iu kushtua FOLKLORIT me temë bosht: ROLI I VISAREVE TË KOMBIT NË STUDIMIN E FOLKLORIT SHQIPTAR
Dita e dytë e Javës së Albanologjisë iu kushtua Sesionit të Letërsisë dhe etnologjisë. Në kuadër të këtyre sesioneve u trajtuan këto tema bosht:
DRAMA SHQIPE – në sesionin e Letërsi dhe
TRASHËGIMIA KULTURORE, ZHVILLIMI I QËNDRUESHËM
DHE TURIZMI në atë të etnologjisë.
Sesioni i pestë, përmbyllës i Javës së Albanologjisë, ishte ai i fushës së historisë i titulluar: TROJET ILIRO-SHQIPTARE DHE LËVIZJET E POPULLSISË
