Me hidhërim dhe pikëllim të thellë morëm kumtin për vdekjen e doajenit tonë të shkencave albanologjike e ballkanologjike, Akademik Shaban Demirajt, studiuesit me kontribute të pallogaritshme që i dha emër të lartë albanologjisë shqiptare.
Me këtë rast, ne punonjësit e Institutit Albanologjik Ju shprehim ngushëllimet më të thella dhe më të sinqerta, duke ndjerë dhembje bashkë me Ju për humbjen e madhe që pësoi familja dhe shkencat albanologjike.
Profesori Erudit Shaban Demiraj me leksionet e tij edhe në auditorët e Prishtinës dhe me veprën e tij rrezatuese, ka kontribute të shquara edhe në formimin e gjuhëtarëve në Kosovë dhe në ngritjen e Institutit Albanologjik.
Ai do të mbetet shembull për gjuhëtarët se si duhen ndriçuar me argumente çështjet shkencore dhe si duhet të përfaqësohet me dinjitet shkenca gjuhësore shqiptare në evenimentet më të rëndësishme shkencore kombëtare dhe ndërkombëtare.
Instituti Albanologjik – Prishtinë
Prishtinë më, 1.09.2014
